صعيدية كرمها الرئيس بجائزتين بمعرض تراثنا: الحمد لله بعت شغلي كله وكسبت

قالت جميلة مؤمن محمد، من محافظة سوهاج، إنها بدأت في إنتاج المشغولات اليدوية باستخدام الزعف والخوص، منذ أن كان عمرها 17 عامًا، وكانت تبيع تلك المشغولات بأسعار رخيصة.

ولكن تواصل معها جهاز تنمية المشروعات الصغيرة؛ للمشاركة في معرض تراثنا للحرف اليدوية، الذي أُقيم في الفترة من 9 حتى 15 أكتوبر الماضي، بمركز مصر للمعارض الدولية بالتجمع الخامس.

وأضافت جميلة، أنها قابلت الرئيس السيسي، في معرض تراثنا، وقام بتكريمها ومنحها جائزتين، فقالت: ربنا يبارك في الرئيس السيسي ويطول في عمره، والحمد لله بعت الشغل بتاعي في المعرض وكسبت.

فيما أوضحت أنها شاركت في المعرض تحت رعاية مبادرة حياة كريمة، وأنه كان للمبادرة دورًا كبيرًا في بيع مشغولاتها اليدوية.

وتابعت جميلة حديثها قائلة: أنا عايزة منهم إني أروح كل معرض يتعمل، عشان أبيع الشغل بتاعي، وبشكر الرئيس السيسي، وجهاز تنمية المشروعات، ومبادرة حياة كريمة، عشان هما اللي وصلوني للي أنا فيه.

كما أضافت: مكانش في حد بيرضى يشتري مني الحاجات اللي بعملها، لكن دلوقتي حتى أهل بلدي بقوا يشتروا مني، ومش ملاحقة على الشغل أنا وبناتي.