سيدة تستغيث بعد طرد زوجها لها وطفليها: عمل لي قايمة جديدة وقالي هرجعك بس ضحك عليا

استغاثت عزة بعد طرد زوجها لها في الشارع بعدما أنجبت طفلين توأم، واستولى على جميع ممتلكاتها ورفض أن يعطيها أي شيء، حتى الملابس لها ولأطفالها.

وقالت عزة: بعد ما طردني واشتكيت الشرطة قالي هرجعك بس تعمليلي مصالحة، وبعد ما عملتله قالي لا أنا مش عايزك ومرضيش يرجعني وضحك عليا.

وأضافت عزة: أنا مش عايزة عيالي يتحرموا من حاجة، وأنا مش قادرة أصرف عليهم، ومعنديش حد يساعدني لأن والدي متوفي.

واستكملت: وافقت أرجع عشان ولادي ميتحرموش من والدهم زي ما أنا اتحرمت من والدي، ولكن هو سايبني لوحدي، وابننا تعب مرة وطلبت منه يجي معايا المستشفى عملي بلوك.

وأشارت عزة إلى أن زوجها كان يعاملها في بداية الزواج بطريقة جيدة، ولكنه تحول فجأة بعدما علم بحملها، قائلة: لقيته اتغير بجأة وبقى يعاملني وحش، وبعد ما وضعت أطفالي التوأم طردنا من الشارع ورافض يصرف عليا أو يسأل على الأولاد.

واستكملت عزة: كنت شغالة أما اتجوزته عشان أساعده في مصاريف البيت، وكنت بشتغل وأنا حامل عشان أساعده، رغم إن ظروفه المادية متيسرة، ووالدته وأخته يعملون، إحداهما بفندق والأخرى بمحل ملابس، ولكنه ما زال ينفق عليهما ولا يريد الإنفاق علي أنا وأطفالي أو إعطائنا مصاريفنا.