بكره النكد وبحب قعدة الرجالة.. فيفي عبده تثير الجدل من جديد

عبّرت الفنانة فيفي عبده عن حزنها الشديد بسبب زيادة عدد حالات الوفاة داخل وخارج الوسط الفني، وذلك خلال حوارها مع المذيعة إنجي علي، في برنامج أسرار النجوم عبر إذاعة نجوم fm.

وقالت فيفي عبده: أنا بعمل الفيديوهات اللي الناس بتشوفها دي علشان أديهم طاقة إيجابية، بس أنا عكس كدا تمامًا، أنا بتحاوطني طاقة سلبية كتيرة، وبوصّي التربي من دلوقت، وبقوله: هتعيش عيشة عمرك معايا.

أما عن حبها للموسيقى؛ فقالت فيفي عبده: 'لما بسمع المزيكا؛ بحس إني عايشة بجد، وبقول ازاي الناس دي بتكتب الكلام الحلو ده.

أما عن حب فيفي عبده لمجالس الرجال؛ فصرحت بأن لديها أصدقاء رجال داخل الوسط، أكثر من النساء، مبررة ذلك: لأن الصحاب الرجالة مش هتقولك كلمة تضايقك، لكن الستات البعض منهم، مش كلهم، يحبوكي، ويقلبوا عليكي في ثانية.

وتابعت فيفي عبده: النَّم مهم أوي عند الستات، وأنا ست عندي كاريزما، بحب أنكِّت علطول، ولو منكِّتِّش على حد؛ هنكت على نفسي.

وقالت الفنانة فيفي عبده، إن أقرب شخصية قدمتها خلال مشوارها الفني، هي شخصيتها في مسلسل كيد النسا، وأضافت: هو ده أسلوبي وطريقتي، خاصة إني بنسى الأسامي.