سمية الخشاب: بطالب برخصة وامتحان لـ الإنجاب للأزواج عشان ميظلموش الأطفال معاهم
أثارت الفنانة سمية الخشاب، حالة كبيرة من الجدل بسبب تصريحاتها ونصائحها الدائمة للفتيات عن الزواج، منها حديثها عن مد فترة الخطوبة بألا تقل عن سنة ونصف، ومطالبتها بحصول الزوج على رخصة للإنجاب، فضلًا عن وصفها زواج الصالونات بأنه أفشل أنواع الزواج، وحديثها الدائم عن أن المرأة ليست خادمة للرجل.
أما عن أبرز تصريحات سمية الخشاب عن الزواج، فطلبت من الأهالي مد فترة الخطوبة بين العروسين حتى يتعرف كل منهما على الآخر، حيث كتبت تغريدة عبر حسابها على موقع تويتر جاء فيها: المفروض فترة الخطوبة متقلش عن سنة ونص على الأقل، وارحمونا بقى من الخطوبة وكتب الكتاب مع بعض بالمرة عشان عايزين نفرح بالبنت ونسترها، قوم إيه بقى البنت ترجع بعد شهرين تلاتة متطلقة، وتقعد في أرابيزكم ولو عمرت معاه هتتحمل الهم عشان خايفة من كلام الناس أو عشان العيال.
وأعربت الخشاب عن استيائها من زواج الصالونات، مشيرةً إلى أنه زواج فاشل من وجهة نظرها وغالبًا لا يحقق نجاحًا أسريًا قائلة: جواز الصالونات ده يعتبر أفشل نوع جواز، مش عارفة إزاي ممكن واحدة تتجوز واحد مشافتهوش إلا كذا مرة.
ووجهت سمية الخشاب عدة نصائح للفتيات، ترشدهن فيها إلى كيفية حصولهن على حقوقهن عند انتهاء علاقة مؤذية يمررن بها قائلة: إزاي تاخدي حقك من علاقة كانت مؤذية، بالتجاهل، لما يخونك بتحسي بانعدام ثقتك بنفسك فلازم تبدأي تحبي نفسك، وتعرفي إنه لو كان بيحبك من الأول مكنش عمره فكر يعمل كدة، العيب مش فيكي، افتكري إنه في 7 مليار بني آدم على وجه الكوكب، واللي خلقه خلق اللي أحسن منه وهيقدر يقدرك.
كما طالبت بخضوع الزوجين لبعض الفحوصات قبل زواجهما، حتى يتم التعرف هل هذا الزواج مؤهل للإنجاب أم لا، قائلة: أنا بطالب برخصة وامتحان لـ الإنجاب، يعني قبل ما الأزواج يخلفوا يروحوا يطلعوا الرخصة دي، ويتعملهم اختبار هل هما مؤهلين يربوا أو لأ، هل هما مؤهلين عقليًا، وهل هيطلعوا نشأة كويسة للمجتمع، واللي يسقط في الامتحان يتعملوا علاج نفسي وياخد كورس تدريب لحد ما ينجح، عشان ميظلموش الأطفال معاهم.
كما قالت سمية: الست مش الخدامة اللي ماما جابتهاله، وطالبت بتوثيق الطلاق حتى لا يتم إهدار حق الزوجة قائلة: توثيق الطلاق ضروري لحماية المرأة، والمحافظة على حقوقها القانونية، حقوق المرأة من حقوق الإنسان، ففخ العصور الوسطى ملهوش مكان في القرن الـ21.
