بث مباشر | عمدة قرية نجريج مسقط رأس محمد صلاح: كان هيبطل كرة ووالده شجعه يكمل

قال الحج ماهر، عمدة قرية نجريج التابعة لمركز بسيون بمحافظة الغربية، مسقط رأس اللاعب محمد صلاح، إنه يتوقع حصول اللاعب محمد صلاح على لقب أفضل لاعب في العالم، مشيرًا إلى تراجع مستوى ميسي ورونالدو، ما يعزز صعود محمد صلاح لأفضل لاعب في العالم.

وأضاف الحاج ماهر خلال حديثه: محمد صلاح من هو وصغير وبيعرف يلعب كورة وحريف، ونشأ في أسرة رياضية والده كان رياضي وعمه كذلك كان رياضي، فاهتمامه بالرياضة دي حاجة كبر عليها ونأمل أنه يبقى أفضل لاعب في العالم.

وعن دور والده في دعمه لابنه الموهوب محمد صلاح قال العمدة: والده مقصرش معاه في أي حاجة، ومحمد كان بيسافر كل يوم من القاهرة لطنطا لحد في يوم قال لوالده أنا تعبت ومش هكمل أبوه رفض وقالوا لازم تكمل علشان أنت هتوصل وشجعه وقالوا أنا معاك كمل. 

وحول تأثير نجاح محمد صلاح في شباب قريته، قال العمدة: كل الشباب لما شافوا النجاح اللي حققوا محمد صلاح اتشجعوا واهتمامهم بالكورة زاد، وبقا نفسهم يبقوا لاعبيه كبار، بالإضافة إلى أن إحنا عندنا أكتر من 18 لاعب في أندية مختلفة من القرية.