أهالي ضحايا الإقليمي عن تبرع رجل أعمال بـ38 مليون جنيه: محصلش ومحدش تواصل معانا | بث مباشر
كشفت أسر ضحايا حادث الطريق الإقليمي في محافظة المنوفية، حقيقة تبرع أحد رجال الأعمال بمبلغ مالي قدره 38 مليون جنيه لصالحهم، بواقع 2 مليون جنيه لكل أسرة.
حقيقة تبرع رجل أعمال بـ 38 مليون جنيه لأسر ضحايا حادث الإقليمي
وقال والد إحدى مصابي حادث الإقليمي، إنه لم يتواصل معهم أي شخص بخصوص تبرع رجل أعمال بـ38 مليون جنيه لصالحهم.
وأردف: محدش بلغنا ولا تواصل معانا عشان الموضوع ده.. إحنا مش بنبص للتبرعات ولا الفلوس، ومش عاوزين فلوس بس نفسنا نطمن على باقي البنات اللي في المستشفى، الفلوس مش هترجع اللي راحوا بس ياريت ننقذ بيهم حياة باقي ولادنا.
وأضاف أنه يتمنى بدل التبرع بهذا المبلغ المالي الكبير، أن يتم إمداد قرية كفر السنابسة بالمنوفية بالخدمات المحرومة منها، معلقًا: عاوزين نبني مدارس جنبنا عشان نبقى متطمنين على عيالنا، وبدل ما رجل الأعمال يتبرع لنا بالفلوس يبني بيها مصنع لعيالنا يشتغلوا فيه، إحنا راضيين بأقل المرتبات بس نبقى متطمنين عليهم في مكان آمن.
وأوضح والد إحدى مصابي حادث الإقليمي، أنهم استلموا التعويضات المقررة لهم من الحكومة، ولكن ما يتداول بشأن تبرع رجل أعمال لهم بـ 38 مليون جنيه غير صحيح.
