الخميس 28 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

إياد نصار: أنا مع كل واحدة بتصور المتحرش.. ولو بنتي اتعرضت لكده هقف معاها | فيديو

تحدث الفنان الأردني إياد نصار، خلال استضافته في برنامج توب تريندينج 2، عن التحرش، قائلا: أنا مع محاكمة المتحرش لأنه إنسان مش فاهم غريزته الأساسية، وإزاي يتعامل معاها، وده نقص نفسي محتاج العلاج، لكن بعد العقاب والتربية، دي آفة لازم نقف في وشها.

 

وتابع إياد نصار حديثه مع الإعلامي أحمد عليوة في الموسم الثاني من برنامجه توب تريندينج على قناة تن: المتحرش مش فاهم متعته عاملة إزاي، فهو مش بيحقق أي متعة غير الأذى، هو بس شخص حابب يأذي ويسيطر، وده طبعًا مرض نفسي.

وأضاف نصار: أنا قلبًا وقالبًا مع كل بنت بترفع الموبيل وتصور المتحرش وتعترض وتقول لا وتوقف وماتسمعش لكلام الناس اللي بيقولولها خلاص سبيه، لا طبعًا لازم تقف تأخذ حقها.

وأوضح الفنان إياد نصارا: أنا بنتي لو حصلها كده هقف معاها وهخليها تكمل، ولازم كل ست يكون عندها القوة عشان هي مش كائن ضعيف أو مُستباح لدرجة أن واحد يمد أيده ويتحرش بكلمة حتى، ومين يدى لأي واحد الحق أنه يعمل كدة، ويحط مصنفات كمان، ويحاكم الطرف الثاني أخلاقيًا، وهو أساسًا منعدم الأخلاق.