بث مباشر | والد مريض بضمور العضلات بأسوان يستغيث بالرئيس: أخذت قرض عشان أعالج ابني ومفيش فايدة
استغاث والد أحد مرضى ضمور العضلات بأسوان، بالرئيس عبدالفتاح السيسي رئيس الجمهورية، لمعالجة ابنه عبد الرحمن، البالغ من العمر 16 عاما، الذي يعاني من مرض ضمور في العضلات.
وأشار والد الطفل عبدالرحمن، إلى أن دخل الأسرة لا يكفي مصاريف علاج ابنه، معقبًا: عبد الرحمن ابني بيعاني من مرض ضمور في العضلات من فترة كبيرة وعلاجه غالي جدا، أنا أخدت قرض من البنك عشان أغطي مصاريف علاجه وبرضه مفيش فايدة، وكل الدكاترة بتقولي ملهوش علاج في مصر خالص، لازم يسافر برا مصر.
وحول محاولات علاجه على نفقة الدولة، قال والد الطفل: أخدت الوعود من كذا محافظ إنه يتعالج على نفقة الدولة لكن مفيش حد سأل فينا لحد ما رئيس الوزراء جه عندنا البلد في زيارة ووجه بمعالجته لكن برضه محدش سأل فينا، ولا نفذ تعليمات رئيس الوزراء.
وحول تكلفة علاج عبدالرحمن المادية، أضاف والد الطفل عبد الرحمن: بيصرف نحو 6000 آلاف جنيه في الشهر، ودخل الأسرة كله 2200 جنيه، ومش قادر أصرف على تعليم أخواته بسبب مصاريف علاجه وبناخد نص معاش جدهم عشان نقدر نعيش.
واختتم والد المريض حديثه بالاستغاثة من الرئيس عبدالفتاح السيسي، قائلا: أنا نفسي أعالج ابني على نفقة الدولة.
في حين قال الطفل المريض عبدالرحمن: أنا نفسي أقابل الرئيس عبدالفتاح السيسي، وأقول له إني عايز أتعالج وعايز عربية وبيت.
