الجمعة 21 يناير 2022
المشرف العام
محمود المملوك

سيدة مُصابة بشلل الأطفال بالمنوفية: عايشة لوحدي وبقعد باليومين من غير أكل | فيديو

قالت السيدة زينب راغب السيد عبد العال، وهي من مركز الباجور في محافظة المنوفية، إنها تُعاني من شلل الأطفال ولا تستطيع أن تتحرك، فضلًا عن معانتها من أحد الأمراض في صدرها، مضيفة: العلاج اللي معايا كله خلص، ومش لاقية أجيب ثمن العلاج.

وأضافت السيدة زينب راغب السيد عبد العال: أنا عايشة لوحدي ومش معايا غير ربنا، مشيرة إلى أن أشقائها البنات يُعانوا من بعض الأمراض أيضًا ولا يستطيعوا أن يتحركوا خارج منزلهم.

كما أوضحت السيدة زيب راغب: بقضي يومي بأي حاجة لقمة بطماطم وشوية ملح، أو حتة جبنة، وعلى حسب ما بقدر أتحرك أو لا، لو قادرة أتحرك بقوم أعمل لنفسي شوية أرز أو كيس مكرونة أكلهم، وساعات مابقدرش أتحرك ولا حتى أجيب حاجة لنفسي وبقعد باليومين من غير ما أكل أي حاجة.

بينما طالبت السيدة زينب، بتوفير كرسي كهربائي لها؛ حتى تستطيع أن تشتري ما تحتاجه سواء كان العلاج أو غيره، وأيضًا حتى تستطيع أن تُلبي طلباتها اليومية، وقالت: مش عاوزة أحتاج لحد يزقني وعاوزة الكرسي عشان أمشي لوحدي.

                     
                                   

ﺗﻔﻀﻴﻼﺕ اﻟﻘﺮاء