كانوا بيبتزوه عشان طردهم.. دفاع مدرب جيم ترد على ادعاء سيدات تركيبه كاميرات لتصويرهن خلال تغيير الملابس| بث مباشر
قضت محكمة جنح مدينة نصر بالحبس سنة للمتهمتين بابتزاز مدرب جيم بمدينة نصر، والادعاء بتركيب كاميرات مراقبة داخل غرفة تغيير الملابس الخاصة بالسيدات.
ابتزاز مدرب جيم بمدينة نصر
وروت دفاع مدرب الجيم تفاصيل التعدي عليه قائلة: جالنا بنتين وولد عاوزين يستأجروا مكان داخل الجيم يكون مركز مساج وتدليك.؟ اشترطنا عليهم الخدمة بنت للنساء وولد للرجال.. وكمان عدم غلق المكان.
وأضافت: لاحظنا إن سلوكهم غير منضبط.. وصاحب الجيم جه ولقى المكان مقفول.. وفضل يخبط محدش رد عليه.. ولقى بنت خارجة وكان معاها شخص جوه.. وقرر فسخ التعاقد لعدم قبوله باللي حصل ورجع لهم فلوس المقدم.
وتابعت: فوجئنا بيهم اقتحموا الجيم وتعدوا على العاملين.. واتصلنا بالنجدة وهناك سعوا للصلح ودفعنالهم 10 آلاف جنيه زيادة عن مبلغ التعاقد.. لكننا فوجئنا بالليل في نفس اليوم بيهم بينشروا فيديوا بيدعوا فيه إن الجيم فيه كاميرات مراقبة.
واستكملت: اتخذنا إجراءاتنا القانونية ضدهم .. وتم القبض عليهم ومحاكمتهم وحبسهم سنة مع الشغل.. وبطمن الجميع الجيم بتاعنا مكان محترم ومفيش كاميرات مراقبة عندنا.
