شاب يبيع الخضراوات على ترابيزة في الشارع بـ بورفؤاد: الشغل مش عيب | بث مباشر
يكافح الشاب محمد سعد أحمد، من أجل إيجاد فرصة عمل وجلب الرزق الحلال؛ حتى يستطيع أن يتكفل بمصاريف أسرته، لذلك أقبل على بيع الخضروات الطازجة المغلفة والجاهزة للطهي مباشرةً، على ترابيزة يقف بها في أحد شوارع مدينة بورفؤاد في محافظة بورسعيد.
وقال الشاب محمد سعد أحمد، إنه حاصل على دبلوم صنايع، ومتزوج ولديه طفلين، وعندما تزوج عاش هو وزوجته في محافظة القاهرة، ولكن بدأت تسوء حالتهم المعيشية والمادية، لذلك أقبل على التوجه إلى مدينة بورفؤاد في محافظة بورسعيد، وعمل بها في أكثر من مطعم، مضيفًا: شغل المطاعم والكافيهات مش بيجيب همه لأن الأولاد بيكبروا وبيبقوا محتاجين فلوس ومصاريف.
كما أضاف الشاب محمد سعد أحمد، أن زوجته ووالدتها هما الذين اقترحوا عليه فكرة بيع الخضار الجاهز، وبالفعل وافق عليها وتولى كل فرد منهم بعض المهام المختلفة، وقال: في أيام ماكنتش بشتغل وأيام بشتغل عادي، لحد ما بدأت إني اتعرف بين الناس، والأرزاق بتاعة ربنا اليوم بيومه.
بينما أوضح بائع الخضار في بورفؤاد، أنه في البداية كان يبيع الكوسة والباذنجان والفلفل ومحشي الكرنب فقط، وقال: الخضار بتاعي كله بيتي مش بجيب حاجة مصانع أبدًا.
وتابع الشاب محمد سعد أحمد حديثه قائلًا: الشغل مش عيب، بدل ما أقعد في البيت اديني شغال وحاجة بتزود الدخل، وبتمنى يبقى عندي محل أو مكان أعرض فيه حاجتي وأقدر أقدم منتجات كتير، وبعد كده يبقى عندي مصنع مُجهز للخضار.
