وفاة فتاة بخطأ طبي.. ووالدة الضحية: المدير قالي اللي حصل حصل هنعملك إيه | بث مباشر

تسبب خطأ طبي جديد في إنهاء حياة فتاة قبل حفل زفافها بشهر، في منطقة فيصل، حيث دخلت الفتاة لإجراء عملي المرارة، لتخرج منها في كفنها إلى قبرها.

تفاصيل وفاة الشابة دينا

وروت والدة الشابة دينا ضحية الخطأ الطبي، تفاصيل الواقعة، مشيرة أن نجلتها دخلت المستشفى لإجراء عملية بسية وهي إزالة المرارة، لكنها ظلت في غرفة العمليات لمدة تجاوزت الـ 7 ساعات، وخلالهم لم يفصح أي طبيب عن تطورات حالة نجلتها أو عن سبب التأخير.

وقالت والدة دنيا: من الساعة 10 لحد الساعة 7، كل ما كنت بسأل حال بنتي كانوا بيقولولي بنفوقها 10 دقايق وهتخرج لحد ما الـ 10 دقايق بقوا سبع ساعات، وكل ما اسأل دكتور يقولي أنا مش تبع الحالة.

واستكملت والدة الضحية حديثها: أنا وصلت بني للمستشفى كانت كويسة وبتتصور، والممرضات قالولي إن الدكتور كويس واستشاري كبير، فجأة لقيت بنتي بيتحولها أكتر من 8 أكياس دم، ودكتور بلغ والدها إن فيه شريان اتقطع أثناء العملية، واحتمال يتم بتر قدمها.

رد فعل مدير المستشفى

وأما عن رد فعل مدير المستشفى، قالت والدة دينا: مدير المستشفى قالتلي خلاص اللي حصل حصل هنعملك ايه، كإن بنتي كوباية واتكسرت مش بني آدمة.

وأضافت والدة الضحية: سمحولنا ندخل حجرة الرعاية، وشوفت بنتي قلت بنتي ميته، كانت ايدها ورجليها متلجة، وبتنزف دم من مناخيرها، ومش قادرة أشوفها من كتير الخراطيم، بعد كدة نقلوها مستشفى تاني وماتت بعد ما دخلت العمليات بـ 10 دقايق.

واختتمت حديثها قائلة: أنا مش عايزة غير حق بنتي، والدكتور ده بتفصل من شغله عشان نحمي مايموتش حد تاني، ويحرق قلب الأمهات زي قلبي.