لبلبة: عادل إمام دايما بيلمع النجوم اللي معاه ويظهرهم.. ونفسي أشتغل معاه تاني | بث مباشر

تحدثت الفنانة لبلبة عن علاقتها بالزعيم عادل إمام، حيث قالت إنها أجرت معه حوالي 14 عملا فنيا، وأنه فنان لن يتكرر.

وقالت لبلبة خلال ندوتها المقامة حاليًا ضمن فعاليات مهرجان أسوان الدولي لأفلام المرأة: ببقى مبسوطة وأنا بشتغل مع عادل إمام؛ لأن كل حاجة مترتبة في شغله، وعند عادل إمام مفيش حاجة بالصدفة، وكل حاجة مدروسة ومفهومة.

لبلبة: عادل إمام دايما بيلمع النجوم اللي معاه ويظهرهم.. ونفسي أشتغل معاه تاني

وأضافت لبلبة: عادل إمام عمره ما غار من أي ممثل، بالعكس هو كان بيساعد الممثلين اللي بيشتغلوا معاه إنهم يتألقوا، ولما يختار حد بيختاره صح، وبتمنى إنه يجمعني به عمل خلال الفترة الحالية، وأتمنى الشغل معاه، وأنا دايما على اتصال به وبيقعد يهزر معايا كتير، وقريب هنحضر عيد ميلاده، وهو كويس جدا.

كما تطرقت لبلبة خلال حديثها إلى شائعة إصابتها بالتسمم بسبب تناولها وجبة فسيخ، حيث قالت: قالوا إني تسممت بسبب الفسيخ، لكن أنا من الشعب والشعب بياكل فسيخ وأنا باكل فسيخ.