الفنانة لبلبة تكشف حقيقة انتشار صورة تجمعها بـ الزعيم عادل إمام | بث مباشر

تداولت عدد من الصفحات ومستخدمي مواقع التواصل الاجتماعي خلال الساعات الأولى من صباح الخميس، صورة لـ الزعيم عادل إمام، رفقة الفنانة لبلبة، بزعم أنها تم التقاطها فجر اليوم، كما تساءل الجمهور عن حقيقة الصورة المتداولة، وهل هي حقيقية أم ذكاء اصطناعي؟.

حقيقة صورة الزعيم عادل إمام رفقة الفنانة لبلبة

وقالت لبلبة في تصريحات صحفية: أنا في الفيوم بقالي 3 أسابيع علشان الفيلم بتاعي ومشفتش عادل إمام، الصورة مش حقيقية والذكاء الاصطناعي ده بقى حاجة تخوف.

وأضافت: قبل كده عملوا إعلان وحطوا وش سعاد حسني على جسم واحدة، هل معنى كده أن سعاد عادت من الموت وعملت الإعلان؟، الصورة دي كلام فاضي ومش عارفين يكتبوا إيه.

وواصلت لبلبة: أنا قربت أخلص تصوير الفيلم بتاعي في الفيوم ومعايا نيللي كريم والنجوم، عيب والله العظيم أما معنديش تجاعيد كده حوالين عنيا ولا ده وش الأستاذ ده مش عادل خالص، وأنا مش أنا وحاطين عنين مفعصة ومش عارفين يظبطوا الصورة، دي حاجة هبلة والواحد خايف ينزل ويتصور، أكيد مش أنا ولا الأستاذ عادل.