الجملة ناقصة ومش فارق معايا.. أحمد عيد يرد على سبب غيابه الفني | فيديوجراف

تداول رواد مواقع التواصل الاجتماعي مقطع فيديو للفنان أحمد عيد، حيث ظهر الفنان يتحدث عن سبب غيابه الفني في الفترة الأخيرة، قائلًا: معرفش ممكن ميبقاش عليا إقبال.. محدش عايز يشغلني معاه، ممكن أنا مكسل مش عاوز أعمل أي حاجة، بتخرج أجيال جديدة يمكن ليهم حظوظ أكبر من القدام شوية.

وبعد انتشار هذا الفيديو بشكل كبير قرر الفنان الخروج عن صمته والتعليق على الأمر، ونشر أحمد عيد تعليقًا عبر صفحته على فيسبوك، قائلًا: أنا مش بحب أعلق على الحاجات اللي من النوع ده، بس عشان بشوف البوست ده كتير.

وأوضح عيد أن هذا الحوار أجريّ معه منذ 5 سنوات، خلال عرض فيلم ياباني أصلي من بطولته، وسئل عن سبب غيابه، ولكن الرد انتشر بشكل آخر، وهو: الجملة مش كاملة ومش مقصود بيها التأكيد إن محدش بيشغلني، غير كده أنا في الحقيقة مبشتغلش أي حاجة.

وخلال المنشور أكد أحمد عيد أنه غير مهتم بتواجده بشكل دائم، قائلا: أنا هشتغل الحاجات اللي أنا مقتنع بيها وشايفها مناسبة ليا، متمنيًا أن لا يرى تلك الأقاويل مرة أخرى، ورد الجمهور على منشوره بأنهم يحبون أعماله، خاصةً أنها بها رسالة وهدف.

آخر أعمال أحمد عيد

وكان آخر أعمال الفنان أحمد عيد في السينما فيلم خلاويص، حيث حقق الفيلم نجاحًا كبيرًا وقت عرضه.