عدلي القيعي في حفل توقيع كتاب الأهلي من الداخل: تاريخ النادي لا ينضب | بث مباشر

تواجد المهندس عدلي القيعي مدير التعاقدات السابق بالنادي الأهلي، اليوم الجمعة في ثاني أيام معرض القاهرة الدولي للكتاب، من أجل المشاركة في حفل توقيع كتاب الأهلي من الداخل، لـ الناقد الرياضي أسامة السويسي، والصادر عن دار الوطن للنشر والتوزيع.

حديث عدلي القيعي

وقال المهندس عدلي القيعي: تاريخ النادي الأهلي لا ينضب، ومهما تكلمت عليه هتلاقي جديد، وهتلاقي زوايا محدش اتكلم فيها، وهتلاقي دروس محدش استفاد منها، وهتلاقي معاني تفكر فيها، الأهلي فكرة والفكرة تنمو ولا تموت.

وأضاف القيعي أن كل رمز من رموز النادي الأهلي يصلح لأن يصدر له كتاب منفرد بذاته، بالإضافة إلى أنه يصلح تلقيه كـ دروس ونموذج من أجل التعلم منهما، معقبًا: لحد دلوقتي ومن بعد حوالي 114 سنة الناس لسه بتحتفل بعمر لطفي وبتكتشفه، يبقى كدة لسه في رموز كمان لم تكتشف بعد، والرموز دي اللي قدرت أنها تعملنا كيان تاريخي وخالد، وكل جيل هتلاقي فيه حاجة مختلفة عن اللي قبله، بس كلنا على نفس النهج.

معرض القاهرة الدولي للكتاب

وجدير بالذكر أنه تم افتتاح الدورة الـ 53 من معرض القاهرة الدولي للكتاب، تحت رعاية الرئيس عبد الفتاح السيسي رئيس الجمهورية، والدكتور مصطفى مدبولي رئيس مجلس الوزراء، والدكتورة إيناس عبد الدايم وزيرة الثقافة، يوم الأربعاء الماضي الموافق 26 من يناير الجاري، ومن المقرر أن تستمر تلك الدورة حتى يوم 7 من شهر فبراير المقبل.