الخميس 28 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

سيدة بالدقهلية تطاول عليها أبناء زوجها بالضرب: طردوني في الشارع وقالولي دي بداية السواد ليكي | بث مباشر

تحدثت السيدة أم كريمة التي تُقيم في مركز طلخا بمحافظة الدقهلية، عن تفاصيل تعرضها إلى الضرب والعنف والتعذيب من أبناء زوجها بعد وفاته.

 

تفاصيل الواقعة

وقالت السيدة أم كريمة، إن زوجها توفي منذ 8 أشهر، وتحديدًا في يوم 23 من شهر مايو الماضي في عام 2021، ومنذ ذلك اليوم، وهي تعاني من العديد من المشكلات، حيث أنها طلبت من أبناءه، أن يستخرجوا لها قرار الوصاية، وإعلان الوراثة من أجل إنهاء إجراءات استخراج المعاش، إلا أنهم رفضوا نظرا لوجود ابن قاصر وشقيقه الكبير هو الوصي عليه، ويرفض استخراج المعاش لها.

وتابعت أم كريمة: أخوه الكبير رافض يطلعلي المعاش وموقفلي الدنيا، وطلبت منهم إنهم يخلصولي إجراءات المعاش عشان أصرف منه على بنتي، ووقفولي كل حاجة، ولحد دلوقتي أنا بقالي 8 شهور مش عارفة آخذ معاش تأمينات، عشان أصرف على بنتي اللي في ثانوية عامة، واضطريت أبيع دهبي، واستلف من إخواتي عشان محسسش بنتي باللي أنا فيه، وأصرف عليها.

وأشارت أم كريمة إلى أنها تعيش مع ابنتها في المنزل؛ الذي قسّمه عليها والدها مع بناته، ولكنها تفاجأت بـ بناته يخبروها، أن تُخلي غرفتين من الشقة، مدعين أنه حقهن، موضحة: قالولي فضيلنا الأوضة دي، والأوضة دي عشان دي حقي أنا وأختي، وأنا عمري ما قفلت الشقة في وشهم وحتى من بعد ما مات جوزي، وأنا كنت معتبراهم ولادي، وربتهم بس مطمرش فيهم.

 

الهجوم على السيدة وابنتها

واستكملت أم كريمة، قائلة: بنت جوزي اللي ساكنة جنبي؛ جابت ستات مش كويسة، وقعدت بيهم معايا في الأوضتين اللي في الشقة، وكانوا بيضايقوني وبيتخانقوا معايا، وفي يوم اتفاجأت بولاد جوزي وأختهم ومعاهم الستات كسروا عليا باب الأوضة، وهجموا عليا وعجنوني ضرب، وضربوا بنتي معايا، وبعدها طردوني وقعدت في الشارع، وابن جوزي الكبير قال لبنتي: دي بداية السواد ليكي أنتي وأمك.