مشرد في شارع فيصل يستغيث: كل يوم بتعب أكتر وبقيت مستني الموت | بث مباشر

كشف مواطن يدعى تامر إبراهيم رمضان، معاناته بسبب تشرده على أحد أرصفة شارع فيصل في محافظة الجيزة، حيث أنه يعيش في المكان الذي تتجمع به القمامة.

حديث المشرد تامر إبراهيم رمضان

وقال المواطن تامر إبراهيم رمضان، إنه أُصيب في عام 2009 بـ مرض الدوالي ووقتها كانت حالته الصحية متدهورة بشكل كبير، لذلك توجه إلى أحد المستشفيات وهناك أعطاه أحد الأطباء حقنة من أجل علاجه، ولكن ساءت حالته أكثر بعد أن أخذ تلك الحقنة.

وتابع حديثه: أخدت الحقنة بس تعبتني أكتر وخلتني قاعد مش قادر أتحرك من مكاني، وبعد كده قالولي إني لازم أعمل عملية وأركب دعامة، والعملية دي كان تمنها 27 ألف جنيه، قولت مش مشكلة هعملها على نفقة الدولة عشان أنا مش معايا المبلغ ده، وساعتها كنت عايش مع والدتي وهي اللي كانت بتصرف عليا من معاش الدولة.

كما أوضح المواطن تامر إبراهيم رمضان، أنه أجرى العملية الجراحية بعد أن تكفل أحد الأشخاص بجميع مصاريفها، لافتًا إلى أنه لم يستطيع أن يمشي بشكل طبيعي بعد أن أجرى العملية الجراحية، وقال: أنا ناقصني إني أقف على رجليا، وبعد ما والدتي اتوفت صاحبة البيت مشتني والشارع بقى مكاني، وبشتري شوية مناديل وأبيعهم عشان أجيب أي فلوس أصرف بيها على نفسي، وكمان أنا عندي جرح مش بيخف من 2010 وكل يوم بتعب أكتر وأكتر وماليش حد غير ربنا، وأديني قاعد مستني الموت وعارف إني هموت في الشارع.