أنغام باكية: ماليش علاقة بالحملات اللي على شيرين وكفاية مقارنات.. أنا بقالي أسبوع في المستشفى | بث مباشر
أعربت الفنانة أنغام عن استيائها الشديد من فكرة المقارنات التي تحدث من الجمهور بشأن أعمالها وأعمال الفنانة شيرين عبد الوهاب، مؤكدة أن لكل شخصية جمهورها المختلف.
وقالت أنغام، خلال تصريحات تليفزيونية: كفاية قرف ومقارنات بيني وبين شيرين، هي ليها جمهور وأنا ليا جمهور، عيب الضغينة اللي بتزرعوها بيني وبين شيرين.
وأضافت أنغام: رفعت قضية على شاب قالي “مش هترحمي شيرين يا أنغام؟” واتسجن.. حرام تطلعوني شيطانة وبشن حملات على زميلة.. مش بتهم شيرين إن هي السبب لكن الناس بيقنعوها بده، كفاية حقد وسيبوني في حالي، وملكوش دعوة بنوايايا.. أنا بتهاجم زيي زي شيرين.
كما تحدثت أنغام عن اتهامها بأنها السبب في توجيه الحملات ضد شيرين عبد الوهاب، قائلة: استحملت تلقيح كلام كتير الفترة اللي فاتت من ناس كتير، ومنهم شيرين شخصيًا، بس لما الأمور توصل للشيطنة والافتراء ده حرام وعيب، لأن إحنا الاتنين المفروض أكبر من كده.
وأكملت أنغام: أنا مش الشخصية اللي بتحب تدخل في مهاترات أو حتى تدافع عن نفسها، فيه أي حاجة الناس بتقولها بسيب الأمور تظهر لوحدها، لأن ربنا بينصفني في أمور كتيرة، واللي يعرفني كويس يعرف إني ست مش بتاعة مشاكل، وإني في حالي.
