الأربعاء 01 فبراير 2023
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

سيدة تستغيث لعلاج أطفالها الثلاثة من التوحد بالغردقة.. نفسي يكلموني | بث مباشر

قصة كفاح بطلتها سيدة مصرية، رزقت بـ5 أبناء، إلا أنها اكتشفت إصابة 3 منهم بمرض التوحد، ورغم أنها خريجة كلية تربية قسم لغة إنجليزية إلا أنها لاتستطيع العمل لرعاية الأبناء الذين يحتاجون إلى رعاية دائمة.

.لسيدة مصرية أصيلة أم تدعى عبدالله، حيث أنها تعتبر نموذج للصبر والتحمل، فـ لديها 3 أبناء مصابين بالتوحد، وتعيش بمدينة الغردقة في محافظة البحر الأحمر.

السيدة أم عبدالله تكشف معاناة أبنائها من مرض التوحد

“أم عبد الله” التي تعيش في مدينة الغردقة بمحافظة البحر الأحمر تقول: “ عندي 5 أبناء 4 منهم توأم وهم هاجر وهدير وعبدالله وعبد الرحمن 13 سنة، مكنتش بعرف يعني  إيه توحد في البداية بس بعد كده عرفت إن هاجر وعبدالله وعبد الرحمن  عندهم توحد، وفضلت مستنية سنتين وشهرين عشان أتاكد هما عندهم توحد ولا لا”.

أضافت: “أنا خريجة كلية تربية قسم إنجليزي، لكني لا أستطيع أن أعمل حتى أراعي أبنائي،  مينفعش أشتغل عشان أولادي مين هيعتني بيهم ويساعدهم، وخصوصًا بعد لما عرفت إنهم عندهم توحد وبالعافية بعمل شغل البيت”.

رحلة علاج أبناء السيدة أم عبدالله من التوحد 

وعن رحلة علاج أبنائها تقول: “ عشت رحلة علاج طويلة مع أولادي، في البداية توجهت بهم إلى طبيب أطفال، وهو الذي شخصهم وأخبرني أنهم مصابين بالتوحد، بعد كدة سافرت القاهرة وعملت ليهم جلسات أكسجين”.

واستكملت حديثها قائلة: “بعد كدة دخلت في حاجة اسمها تكامل سمعي وجلسات دولفين وجلسات أكسجين، وفضلنا على العلاج ده كله بس مافيش أي نتيجة منه، وحاليًا بياخدوا جلسات تخاطب في القاهرة، بس القاهرة عايز فلوس كتير أوي وخصوصًا إني مأجرة شقة بجوار مركز التخاطب عشان متعبش في السفر كل شوية”.

واختتمت أم عبدالله حديثها قائلة: نفسي عيالي يبقوا زي الأطفال العادية نفسي أسمع صوتهم ويكلموني وأفرح بيهم، مش عايزة أي حاجة من الدنيا، ونفسي حد يتكفل بيهم علاجيًا أويساعدني في علاجهم".

                     
                                   

ﺗﻔﻀﻴﻼﺕ اﻟﻘﺮاء