صاحب مخبز في البحيرة: هبيع الرغيف بسعره القديم وبنفس حجمه عشان الغلابة | بث مباشر

قرر صاحب مخبز في مركز المحمودية بمحافظة البحيرة، عدم رفع الأسعار مراعاةً لظروف المواطنين ومحاربة جشع التجار الأخرين.

مبادرة لا لغلاء رغيف الخبز

وأطلق الحاج عادل بدر، صاحب مخبز سياحي في محافظة البحيرة، حملة لا لغلاء رغيف الخبز، حيث قرر الإبقاء على الأسعار القديمة كما هي، وذلك على الرغم من أن أسعار الدقيق ارتفعت، فقال: سعر الرغيف عندنا بـ جنيه واحد زي ما هو علشان الظروف اللي بتمر بيها البلد.

وأشار الحج عادل بدر، إلى أن سعر الدقيق زاد نحو 3000 جنيه، حيث أنه كان بـ 7000 جنيهًا وزاد حتى وصل إلى 10 آلاف جنيهًا، وأوضح قائلًا: كله شغل تجار كبار وإحنا اللي مظلومين في الزيادة دي، ولكن هنفضل بنفس السعر القديم حرصًا علي مراعاة ظروف الناس الغلابة وإحنا داخلين على أيام مفترجة وشهر رمضان، وعايزين ربنا يباركلنا في الأيام دي مش نستغل الأزمات ونغلي الأسعار على المواطن.

واستكمل صاحب مخبز سياحي في محافظة البحيرة حديثه قائلًا: أسعارنا زي ما هي مش هنغلي قرش واحد على المواطن، الفطير عندنا بـ 10 جنيه وفي ناس بتبيعه بـ 12، والعيش زي ما هو بـ جنيه واحد ووزنه زي ما هو، في ناس بتبيع بـ جنيه ونص للرغيف، بس الرزق البسيط فيه البركة.

وتأتي مبادرة الحاج عادل بعد أن استغل تجار الدقيق وأصحاب المخابز، أزمة ارتفاع الأسعار التي تأثرت بها البلاد مؤخرًا؛ وذلك بسبب الحرب الروسية الأوكرانية، التي أدت إلى زيادة أسعار طن الدقيق.