الراقصة هندية: ارحموني ورجعولي الكلب بتاعي.. أنا بعتبره زي ابني وبأكله رز بلبن وكبدة | بث مباشر

ارحموني ورجعوا الكلب.. بهذه الكلمات بدأت الراقصة هندية استغاثتها للبحث عن كلبها بعد تركه على أحد الأرصفة في شوارع المهندسين بمحافظة الجيزة، عقب أن أثارت تلك الواقعة حالة من الجدل في الآونة الأخيرة على مواقع التواصل الاجتماعي.

الراقصة هندية تبحث عن كلبها المفقود

وقالت الراقصة هندية، إنها تعرضت للظلم كثيرًا خلال الأيام الماضية، مؤكدة أنها لم تتخلص من الكلب الخاص بها ولم تُلقِ به في الشارع.

وواصلت حديثها قائلة: إنتوا ظلمتوني بما فيه الكفاية، أنا لو عاوزة أرمي الكلب بتاعي هجيبه من بيتي في أكتوبر 20 كيلو لحد المهندسين هنا عشان أرميه؟ أنا سيبته عند السايس عشان أطلع البيت أصلي وأخده تاني.

وأضافت الراقصة هندية، أنها حررت محضر في قسم الشرطة من أجل العثور على الكلب الخاص بها بعدما فقدته في أحد شوارع منطقة المهندسين بالجيزة، وقالت: أنا مربية الكلب ده بقالي 5 سنين وبعتبره زي ابني عشان أنا ماعنديش ولاد، وبأكله رز بلبن وكبدة.

وأوضحت أنها مستعدة لدفع أي مصاريف أو تكاليف حتى تتمكن من استرداد الكلب الخاص بها مرة أخرى، وقالت: الناس شافت الفيديو وأنا بنزل الكلب من العربية لكن مشافوش وأنا بحطله أكل، ده أنا نزلت من البيت بعد ما صليت وواخدة معايا وجبة للكلب بس ملقيتهوش.. طب مين اللي خده! والله العظيم ما رميته ونيتي خير وجيباه معايا عشان أعالجه أصلًا.