شباب يوزعون حواوشي وكشري مجانًا على المحتاجين في رمسيس: لازم نساعد الغلابة | بث مباشر

أقدم مجموعة من الشباب على توزيع أرغفة حواوشي وعلب كشري بالمجان دون أي مقابل على المساكين والفقراء في الشارع بمنطقة رمسيس بالقاهرة، في لافتة طيبة منهم وحرصهم على إطعام المحتاجين وتوفير الطعام اللازم لهم، بالإضافة إلى توزيعهم كميات كبيرة من الفاكهة المتنوعة.

شباب يوزعون حواوشي وكشري على المحتاجين في رمسيس

ومن جانبه، قال الشاب محمد، أحد القائمين على المبادرة، إنهم يوزعون بشكل يومي عدد يتراوح بين 200 إلى 300 وجبة طعام على المحتاجين والفقراء في منطقة رمسيس بالقاهرة.

وواصل: إحنا قولنا نساعد الناس والشباب ونقف جنب المحتاجين، مافيش أجمل من إطعام المحتاج ولازم كلنا نحط إيدينا في إيد بعض ونساعد بعضنا، واللي معاه يدي اللي مش معاه في أيام الخير اللي إحنا فيها دلوقتي دي.

وأضاف أحد القائمين على المبادرة، أنه يتم بشكل يومي توزيع عدد يتراوح بين 100 إلى 200 رغيف حواوشي على المحتاجين والفقراء، بجانب علب الكشري والفاكهة وغيرهم من الطعام، قائلًا: الناس كلها مبسوطة وبيساعدوا بعضهم، دي مبادرة جميلة وربنا بيبارك في الرزق.

كما أوضح أنه يطالب من أصحاب المطاعم أن يخصصوا يوم واحد في الأسبوع من أجل توزيع وجبات طعام على المحتاجين والفقراء؛ لتخفيف العبء من على عاتقهم ومساعدتهم في ظروفهم، حيث قال: لازم نعمل وجبات للناس الغلابة ونساعد بعض، ونفسي غيري يشوفني ويعمل زيي وبلاش ننتقد بعض.