شاهد عيان على واقعة جنازة الشيخ الصياد: النعش رفض الخروج من المسجد.. والناس قالوا ده راجل بركة | بث مباشر

انتشرت حالة كبيرة من الجدل على مواقع وصفحات التواصل الاجتماعي، خلال الأيام القليلة الماضية، عقب تداول مقطع فيديو أثناء تشييع جنازة الشيخ عزت الصياد في قرية بني صالح التابعة إلى مركز الفشن بمحافظة بني سويف، حيث ادعى بعض المشيعين أن النعش رفض الخروج من المسجد، وأخذوا يصفقون ويهللون.

واقعة رفض نعش الخروج من المسجد ببني سويف

ومن جانبه، قال يوسف، شاهد عيان على واقعة رفض النعش الخروج من المسجد، إنه يعمل موزع للأدوية، وأثناء تشييع جنازة عزت الصياد كان يتواجد بمحض الصدفة هناك، ووجد حالة كبيرة من الزحام بين المواطنين.

وواصل: لقيت زحمة وناس كتير بتجري ومكنتش عارف في إيه، ولما سألت أهل البلد قالولي ده الشيخ عزت الصياد مات، قولتلهم مين ده قالولي ده راجل بركة ولما اتوفى كانوا بيطلعوا النعش من البيت عشان يدخلوه المسجد، فـ النعش رفض ولف بالناس وراح على مسجد تاني في نص البلد.

كما أضاف شاهد العيان، أنه انتقل إلى المسجد الكبير الذي تم إقامة صلاة الجنازة فيه على جثمان الشيخ عزت الصياد، موضحًا أنه كان من بين الناس الذين رفعوا النعش بعد انتهاء صلاة الجنازة، قائلًا: النعش اتحرك بينا ناحية الباب ومرضاش يطلع.

وأوضح: النعش فضل يلف بينا حوالي 3 لفات داخل المسجد وكل ما نحاول نخرجه يرجع بينا تاني، وخرج من المسجد بعد 10 دقايق وفضل يلف في البلد لحد ما رجع على بيته ودفنوه هناك، والناس كانوا عمالين يزغرطوا وفرحانين كأنها زفة مش جنازة.