مئات الأهالي حضروا زفافهما.. العروسان اليتيمان بالمنوفية: الناس فرحونا وعوضونا عن أهلنا | بث مباشر

انتشرت حالة كبيرة من الفرحة والبهجة بين أهالي مدينة الباجور في محافظة المنوفية، أمس الأحد 5 مارس، عقب أن شاركوا في حفل زفاف عروسين أيتام، حيث تجمع عدد كبير منهم داخل قاعة أفراح للمشاركة في حفل الزفاف، عقب تداول منشور بميعاد الحفل على موقع التواصل الاجتماعي فيس بوك.

أهالي المنوفية يشاركون عروسين يتيمين حفل زفافهما

وقال العريس الذي يدعى شهاب، إنه لم يكن يتوقع أبدًا ما حدث أمس، ولم يتصور أن يكون حفل زفافه بهذا الشكل المبهج عقب مشاركة عدد كبير من أهالي من محافظة المنوفية به.

وواصل: مكنتش متوقع إن الفرح يبقى بالشكل ده نهائي، ده نصيب عشان مراتي قلبها أبيض وكان نفسها تفرح، القاعة كانت فاضية أصلًا وإحنا بنعمل السيشن وتوقعنا اللي هيحضروا الفرح الناس بس اللي نعرفها، بس الدعوة اللي نزلت غير الدنيا خالص.

كما أضاف العريس شهاب، أنه شعر أن أهالي المنوفية الذين حضروا حفل زفافه كانوا يريدون إدخال الفرحة على قلبه هو وزوجته، قائلًا: الناس كانت فرحانة بجد مش جايين عشان يعملوا منظر بس.

ومن جانبها، قالت العروس التي تدعى نور، إنها شعرت بسعادة وفرحة كبيرة خلال حفل زفافها أمس عقب مشاركة أهالي المنوفية.

وأردفت قائلة: حسيت إن الناس كلها جت الفرح عشان يبسطونا ومبسوطة إنهم اتبسطوا كمان، حسيت بالأمهات اللي كانوا واقفين جنبي والبنات كلهم كأنهم إخواتي وأصحابي، الناس فضلوا معانا حتى في الزفة لحد البيت هنا، دي ليلة عمرها ما هتتنسي أبدًا من حياتي، وبشكر أهالي المنوفية عشان عوضونا عن أهلنا.