الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

عريس الإسكندرية صاحب أشهر قائمة منقولات: حمايا فاجئني وهو من العملات النادرة| بث مباشر

تداول مستخدمو مواقع التواصل الاجتماعي؛ صورا لعقد قران عريس يدعى كريم محمد؛ على عروسه إنجي عصام؛ وقائمة المنقولات الزوجية الخاصة بها؛ وكتب فيها والد العروس قائلا: «من يؤتمن على العرض لا يسأل عن المال.. اتقي الله في كريمتنا»؛ لتلقى تلك الجملة تفاعلا كبيرا وإعجابا من والد العروس على التخفيف عن كاهل العروسين.

قائمة المنقولات الزوجية بالإسكندرية

وقالت إنجي عروس الإسكندرية؛ إنها تفاجأت بوالدها يوم عقد القران ومعه قائمة المنقولات وقد كتب فيها: من يؤتمن على العرض لا يسأل عن المال.. اتقي الله في كريمتنا؛ مؤكدة أن زوجها قدم لها الكثير خلال فترة خطبتهما وفي بداية تعارفهما من أجل تحقيق حلمها وهو ما دفعها للتمسك به من أجل الارتباط به.

وأضافت: والدي كتبها علشان يقوله معاك أغلى من الفلوس وأغلى من كل حاجة.. هي كلمة كبيرة ومعناها كبير جدا.. وأنا فرحت بيها.. اللي بابا كاتبه أحسن من المنقولات والقايمة لأنها زائلة.. والجملة دي باقية وكل لما نشوفها تكون ذكرى حلوة لينا.. وتخلينا أقوياء.. دي كانت مفاجأة ووالدي فاجئنا بالورقة دي قبلها بيوم.. كريم جوزي قدم حاجات كتير جدا.. ودا ما يخوفنيش إنه موقعش على قايمة.. دا شكر وتقدير من بابا لجوزي لأنه عمل حاجات كتير ليا.. بيدعمني أني أحقق حلمي وقدملي في كلية حقوق علشان أحقق حلمي.

ومن جانبه؛ قال كريم عريس الإسكندرية؛ إنه يتشرف بنسب زوجته؛ خاصة وأن حماه يمتاز بالأخلاق والمثل العليا؛ موضحا أنه توجه إلى مكان عقد القران من أجل التوقيع على أي قائمة مكتوبة بالقائمة؛ ليتفاجأ بوالد زوجته؛ يطالبه بالحفاظ وصون ابنته.

وأكمل: أنا اتفاجئت من موقف حمايا معايا.. ودا نسب يشرف وعندهم أصل.. وأكتر حاجة عجبتني في العيلة هي التقدير.. وهما شايفيني من منظور بنتهم.. كنت بساعدها في تحقيق حلمها.. ومعاها لحد ما تحقق حلمها في المستقبل.. حلمنا نكون وزراء في المستقبل.. وبنشتغل على دا وعملنا ماجستير في الإدارة.. كنت جاي يوم القايمة وبقولهم: فين الورقة اللي بيقولوا عليها علشان أمضي عليها.. حمايا من العملات النادرة من الناس.. وبقوله يا والدي لأنه معاملته كويسة جدا.. أنا بعاملها من أول يوم اتقابلنا فيه إنها بنتي.. وهي غيرت في حياتي كتير.