الخميس 30 مايو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

محمد شبيه اليوتيوبر القزم عزيز السعودي: الناس بيتنمروا عليا.. وبحب التمثيل ونفسي أقابل محمد رمضان|بث مباشر

انتشرت على مواقع التواصل الاجتماعي مجموعة من الصور لطفل يدعى محمد علاء، شبيه اليوتيوبر عزيز القزم السعودي، الذي اشتهر بأدائه الكوميدي حيث قدم على مواقع التواصل الاجتماعي مجموعة من الفيديوهات، وتوفي عن عمر يناهز الـ 27 عاما بعد تعرضه لوعكة صحية توفي على إثرها.

محمد شبيه اليوتيوبر عزيز القزم السعودي

وقال محمد علاء، من محافظة المنوفية، شبيه اليوتيوبر عزيز القزم: الناس بتزعّلني وبتتنمر عليا وبيكتبولي أنت وحش، وأنت عمرك ما هتكون زي عزيز السعودي، وأنا بزعل من الكلام دا وبيضايقني.

وأضاف شبيه اليوتيوبر عزيز القزم: الناس بتتنمر عليا وبتقولي أنت صغير أوي، أنت مش هتكبر، وأصحابي مش بيرضوا يلاعبوني معاهم في المدرسة وبيتنمروا عليا.. وبلاقي الأطفال الصغيرة خالص جاية عايزة تلعب معايا فاكرينّي صغير زيهم.. وببقى عايز أفهمهم إني مش صغير زيهم وإني كبير ولكن مش بعرف علشان جسمي صغير.

وأوضح شبيه اليوتيوبر عزيز القزم، أنه يبلغ من العمر 13 عاما، وأنه يذهب إلى المدرسة في الصف الأول الإعدادي، ولكن جسمه ما زال صغيرا كأنه طفل صغير.

واستكمل شبيه اليوتيوبر عزيز: أنا بزهق وبضايق من الناس اللي بتقابلني وتقولي أنت مش طبيعي أنت جسمك صغير أول.. أنا نفسي الناس تبطل تزعلني بكلامهم ويدعموني ويسيبوني أعمل اللي أنا عايزه، وأنا بحب التمثيل ونفسي أقابل محمد رمضان.