أم بالدقهلية تستغيث لعلاج ابنتها من السرطان: حالتها بتسوء كل يوم.. والكيماوي مش نافع معاها | بث مباشر

استغاثت أم تدعى ياسمين فتحي شرف الدين، مقيمة في محافظة الدقهلية، لعلاج ابنتها الرضيعة التي تبلغ من العمر 8 أشهر، حيث تعاني من إصابتها بـ مرض سرطان المخ.

أم تستغيث لعلاج ابنتها الرضيعة بالدقهلية

وقالت الأم ياسمين إن ابنتها تعرضت للإصابة بـ دور برد ولكنها لاحظت أنها كانت تشعر ببعض الآلام في أذنيها، فضلًا عن شعورها ببعض الآلام أيضًا في عينيها عقب ذلك.

وواصلت: بنتي جالها دور برد طبيعي جدًا زي أي حد، وبعدها كانت بتشتكي من وجع في ودنها وبعدين عينيها بدأت تقفل ونص وشها ورم، وديتها للدكتور حولنا على طبيب مخ وأعصاب، وخصوصًا إن بوقها مكنش بيتحرك كويس.

كما أضافت الأم ياسمين، أنها أجرت بعض الآشعة على المخ لابنتها من أجل بيان حالتها الصحية، لافتة إلى أن حالتها في هذه الفترة كانت تتدهور بشكل كبير وملحوظ.

وتابعت: بنتي كانت طبيعية ومكنش فيها أي مشاكل خالص خلال فترة الحمل، ولما روحنا للدكتور قال لنا إن فيه حاجة ضاغطة على العصب التاني والتالت، ولما عملنا الآشعة وطلعت النتيجة اتفاجئنا إنها عندها أورام على المخ وكل الدكاترة قالوا إنها حالة نادرة لأن الأطفال في السن ده مش بيحصلهم كده.

وأوضحت الأم ياسمين، أنه تبين من الآشعة أن هناك عدة أورام منتشرة عند ابنتها على المخ، وعلى الفور جرى تحويلها إلى مستشفى للأورام، وقالت: الدكتورة شافتها قالت إن بنتي مالهاش علاج والعلاج الوحيد اللي موجود ليها غالي جدًا، حتى الكيماوي مش نافع معاها ومينفعش تخش تحت الإشعاع عشان هي صغيرة.