الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

شباب بالوراق يجهزون وجبات الإفطار للصائمين: بنوزع 800 وجبة ومش بنقبل تبرعات من حد | بث مباشر

شهدت منطقة الوراق في محافظة الجيزة، اليوم الأحد 27 مارس 2023، والموافق خامس أيام شهر رمضان المبارك، مبادرة خيرية جديدة أطلقها مجموعة من الشباب من أجل تجهيز وجبات الإفطار وتوزيعها على الصائمين مع أذان المغرب.

توزيع وجبات إفطار على الصائمين في الوراق

وتتكون الوجبة الواحدة من مكرونة وسلطة وكفتة وفراخ مشوية، ووجبة أخرى مكونة من أرز بسمتي وسلطة وكفتة وفراخ مشوية، بالإضافة إلى عبوات من العصائر المتنوعة.

ومن جانبه، قال ياسر عزت، المسئول عن المطبخ في المبادرة الخيرية، إنهم يقدموا وجبات الإفطار إلى المحتاجين للعام الثاني على التوالي، حيث أنهم أطلقوا هذه المبادرة منذ شهر رمضان الماضي 2022.

وتابع: معانا بعض الحالات المدروسة بنبعت لها وجبات الإفطار لحد البيت، والحمد لله المبادرة ناجحة بشكل كبير وبنعمل كل يوم حوالي 700 أو 800 وجبة، ومش بنقبل تبرعات من أي حد بنشتغل بيننا وبين بعض.

أضاف مسئول المطبخ في المبادرة، أنهم يقوموا بتوصيل وجبات الإفطار إلى المحتاجين في منازلهم، لافتًا إلى أنهم أعدوا كشف أسماء للحالات الأكثر احتياجًا من أجل تقديم الوجبات لهم ومساعداتهم.

واختتم: بنجيب كل حاجة فريش حتى معندناش تلاجة، لازم ندي الحاجة للي محتاجها وتكون كويسة، والحمد لله ربنا وفقنا وإحنا مش محتاجين حاجة من حد إلا دعوة الناس لينا هو ده اللي بيريحنا، ده شهر واحد بس في السنة وربنا يعينا عليه.