الأولى على الشهادة الإعدادية بكفر الشيخ: ببدأ يومي بصلاة الفجر.. وأهلي تعبوا معايا | بث مباشر

سيطرت حالة كبيرة من الفرحة على الطالبة جنى أحمد عبد الحليم، بعد حصولها على المركز الأول في الشهادة الإعدادية للعام الدراسي الحالي 2022-2023، على مستوى محافظة كفر الشيخ، وإدارة دسوق التعليمية، حيث حصلت على مجموع 279.5 درجة.

أول تعليق من الأولى على الشهادة الإعدادية بكفر الشيخ 

وقالت الطالبة جنى أحمد، إنها تفوقت بنجاح وأصبحت من الأوائل على مستوى محافظة كفر الشيخ في الشهادة الإعدادية بتوفيق وفضل من الله سبحانه وتعالى.

وأضافت: التفوق دايمًا بيبدأ من كرم ربنا.. وربنا مسبنيش في أي لحظة وأهلي كمان كلهم تعبوا معايا.. وخصوصًا والدتي اللي ضحت بكل حاجة عشان أوصل لـ اللحظة دي.. وكمان والدي تعب معايا كتير، ووفرلي كل سُبل الراحة إني أذاكر وأوصل لكده.

وأوضحت الطالبة أنها شعرت بسعادة بالغة فور ظهور نتيجة الشهادة الإعدادية وعلمها بأنها الأولى على مستوى محافظة كفر الشيخ، مؤكدة أن سعادتها ازدادت أكثر عندما رأت الفرحة في عيون أسرتها.

وأردفت قائلة: مكنتش قادرة أوصف فرحتي بالنتيجة، وفرحتي بأهلي أكتر بكتير من فرحتي بالنتيجة لما شوفت رد فعلهم.

كما أشارت الطالبة جنى أحمد إلى أنها كانت تحرص دائمًا على بدء يومها بالصلاة قبل أن تبدأ في مذاكرة دروسها، مضيفة: كان لازم يومي يبدأ بصلاة الفجر، وبعدين أذاكر.. ولو مصلتش قبل ما أذاكر بيبقى اليوم فيه حاجة غلط.