من 98% لـ 67%.. انهيار طالبة ثانوية عامة بالمنوفية بعد تغير نتيجتها: فرحتي اتكسرت| بث مباشر

سيطرت حالة كبيرة من الصدمة على الطالبة إسلام أحمد الهواري، بنت مركز الشهداء التابع إلى محافظة المنوفية، عقب ظهور نتيجة الثانوية العامة 2023 وتغير نتيجتها على حد قولها، فبعدما ظهر اسمها في بعض الصفحات وتبين حصولها على 98.1%، فوجئت بتغير الدرجة وحصولها على 67%.

انهيار طالبة ثانوية عامة بالمنوفية بعد ظهور النتيجة

وقالت الطالبة إسلام أحمد إنها كانت متفوقة في جميع السنوات الدراسية السابقة منذ أن التحقت بالمرحلة الابتدائية، لافتة إلى أنها كانت تحصل على المراكز الأولى على مستوى المدرسة في السنوات الماضية.

وأردفت قائلة: لما النتيجة ظهرت لقيت مجموعي 98% بس ملقتش اسمي بين أسماء الأوائل.. وعشان أتأكد جبتها من كذا موقع تاني لقيت مجموعي 67%!.. ودرجتي في الكيمياء 30 من 60 طب إزاي وأنا حليت كويس ومتأكدة إني مش هنقص غير درجة ونص بالكتير.

وأضافت الطالبة إسلام أنها اجتهدت طوال العام الدراسي للحصول على درجات مرتفعة في نتيجة الثانوية العامة، لذلك فهي تشعر بصدمة كبيرة من تغير مجموعها على حد قولها، قائلة: فرحتي اتكسرت عشان دي مش درجاتي ولا مذاكرتي اللي تعبت فيها طول السنة.

وأشارت إلى أنها ترى أن امتحانات الثانوية العامة 2023 لم تكن صعبة من وجهة نظرها، حيث إنها متأكدة من إجابتها في جميع الامتحانات.

واختتمت حديثها قائلة: أنا مش عاوزة أكتر من حقي مش عايزة أكون من الأوائل حتى بس مش عايزة الدرجات دي.. مجموع 67% ده مجموع حد مش مذاكر مستحيل يبقى مجموعي.. كان نفسي أدخل كلية الطب إزاي هخش كلية أنا مش عاوزاها.