سيدة تستغيث بعد طرد زوجها لها: طردني والـ3 بنات علشان مخلفتش ولد.. ومش بيصرف عليهم | بث مباشر

استغاثت سيدة من منطقة حدائق الزيتون، بعد طرد زوجها لها وبناتها الـ 3 وذلك بسبب عدم إنجابها لولد، كما رفع عليها والد زوجها قضية طرد وتم طردها في الشارع هي وبناتها.

وقالت ريهام جمال، معلمة لغة عربية، إن البداية عندما حدث خلاف طبيعي مع زوجها، حيث طلبت منه أسرة زوجها أن تخرج من الشقة وتذهب إلى شقة أصغر ليتزوج بها نجل زوجها، مضيفة: وافقت بالفعل ولكن بعد فترة لقيت محضر بيخبط على الباب، وجايبلي أمر بالطرد من الشقة، على الرغم من أنها شقة تمليك ومش إيجار.

وأضافت ريهام: المشاكل بدأت لما كنت حامل في بنتي الثالثة، لأن هو ووالدته كانوا عايزين ولد، وطلبوا مني إني أنزل بنتي الثالثة لما عرفوا إنها بنت مش ولد، لكني رفضت ومن وقتها والمشاكل عمالة تكتر.

وأكملت: جوزي لم هدومه وراح قعد عند أهله وأنا خرجت من الشقة، وبعدها رفع عليا قضية رؤية وبروح أقعد في المكان المخصص لده أنا والبنات لكنه مش بييحي، وهو كل همه إنه يذلني أنا والبنات.. ومش بيصرف عليهم، وبنته الصغيرة عندها 3 سنين عمرها ما شافته.

واختتمت ريهام تصريحاته قائلو: في ناس حاولوا يصلحوا بينا وقالوله ياخد البنات يبقوا معاه، لكنه رفض وقالّهم هاخدهم أعمل بيهم إيه، ولادي جاتلهم حالة نفسية، وبنتي في الحضانة كانت بتقعد تقطع في هدومها ونفسيتها تعبانة.. وهو بيمشي من جنبهم في الشارع مش بيسلم عليهم.