الطعام مجاني لغير القادرين.. صاحب عربية فول بطنطا بيفطر الناس ببلاش: بكسب مش بخسر | بث مباشر
أطلق عم ياسر، صاحب عربة فول بمدينة طنطا في محافظة الغربية، مبادرة لتوزيع الطعام مجانا على غير القادرين كل يوم.
عم ياسر: بنادي على الناس في الشارع علشان يفطروا
وقال عم ياسر، إنه أطلق هذه المبادرة منذ عامين وما زال مستمرا حتى اليوم، وأضاف: بنادي على الناس في الشارع علشان يفطروا، وكل اللي بعمله بحتسبه صدقة جارية لوالدي ووالدتي.
وتابع: الناس بتستغرب من اليافطة اللي أنا معلقها، وفي ناس بتطلب مني إنها تساهم معايا وبوافق علشان غير القادرين والناس يستفادوا.
وأوضح عم ياسر أن من أغرب المواقف التي حدثت معه عندما مر عليه أحد الأشخاص صباحا عند الاستفتاح، وطلب منه أن يأكل، فقدم له الطعام، وأكل الرجل وذهب، ليفاجئ بعدها بعربته وقد امتلأت بالمواطنين، مضيفا: كنت ببص لننظر العربية وأقول سبحان الله.. أنا مش بخسر أبدا، اللي بعمله دا مكسب كبير.
ووجه عم ياسر نصيحة لأصحاب المحلات الكبيرة، قائلا: اعملوا زيي، دي حاجة مش هتخسركوا حاجة هتكسبوا كتير، إحنا كلنا واحد ولازم نساعد بعض.
