صدقة على روح شقيقته.. سائق ميكروباص بالبحيرة يقل المواطنين بالمجان: الرزق مش كله فلوس | بث مباشر

أطلق سائق ميكروباص يدعى حسن السعدني، مقيم في محافظة البحيرة، مبادرة خيرية خصص من خلالها سيارته من أجل نقل المواطنين غير المقتدرين مجانًا دون تحملهم تكاليف الأجرة والمواصلات.

سائق ميكروباص يخصص سيارته لنقل المواطنين مجانًا بالبحيرة

ووضع سائق الميكروباص يافطة داخل الميكروباص الخاص به كتب عليها: اللي مش معاه فلوس يركب معايا متتحرجوش هي لله مش كل حاجة فلوس.

وقال سائق الميكروباص، إنه قرر أن يطلق هذه المبادرة ويخصص سيارته لنقل المواطنين بالمجان، كـ صدقة جارية على روح شقيقته المتوفاة. 

وأضاف السائق، أنه يعمل سائق ميكروباص منذ نحو 15 عامًا، لذلك فهو مر بالعديد من المواقف خلال هذه السنوات استقرت في أذهانه، وجعلته يفكر في عمل شيء يقدمه للمواطنين ليساعدهم من خلاله.

وتابع سائق الميكروباص حديثه: أنا شغال بقالي 15 سنة في المواقف وعدت عليا حاجات كتير خلتني أفكر أعمل حاجة أساعد بيها الناس.. سواء كانوا الناس دول معاهم فلوس أو مش معاهم.. والموضوع ده خلاني أحس بتغيير في حياتي بالكامل من الناحية المادية والنفسية والمعنوية.

وأوضح أنه شعر بالندم عقب إطلاقه هذه المبادرة لأنه لم يفعل ذلك طوال السنوات الماضية، معلقًا: حسيت بالندم إني معملتش الحاجة دي من زمان.. من بعد ما عملت المبادرة دي وربنا معوض عليا بطريقة محدش يتخيلها.

وأشار سائق الميكروباص إلى أنه قرر أن يخصص يومًا في الأسبوع لنقل جميع المواطنين بالمجان سواء كانوا مقتدرين أو غير مقتدرين، مختتمًا: أنا شغال بالمبادرة طول الأسبوع وأي حد مش معاه فلوس مش بخليه يدفع حاجة.. وهخلي يوم كمان لله مش هاخد فلوس من أي حد.. وكمان لو حد عايز يطلع أي مشوار ومش معاه حقه هروح معاه مجانًا عشان الرزق كله مش فلوس.