مسنة تستغيث من جحود ابنتها: طردتني من شقتي وقالتلي شوفي قبر يلمك| بث مباشر

استغاثت المسنة فايزة شاكر جورج، التي تبلغ من العمر 76 عاما، من محافظة البحيرة، من جحود ابنتها التي طردتها من منزلها بعد وفاة والدها.

وقالت الأم، إنها جلبت ابنتها للعيش معها والدها، وذلك من أجل مساعدة ابنتها في تربية أولادها، مضيفة: كنت بخدمها وشايلاها، وكنت أبقى نايمة تصحيني من النوم وتقولي قومي هاتي حاجة من البقال اللي تحت، وأجيب بسكويت لابنها، وكان الجو بيبقى ساقعة، وكنت بسمع كلامها وأقوم أنزل.

وتابعت الأم: ضربتني وأهانتني وطردتني من شقتي وبقولها دي شقتي قالتلي شقة أي روحي شوفي قبر يلمك الشقة دي شقة ابني.. كنت بشتريلها كل حاجة هي وزوجها من فلوسي وكنتش بخليها تجيب حاجة، والجيران يشهدوا.

وأشارت الأم إلى أنها تكون ابنتها الكبيرة، وأنها طردتها من منزلها وهي حاليا تعيش في منزل نجلها، مضيفة: ساعدتها بشقتي علشان تسكن فيها هي وزوجها علشان مكانش معاهم يشتروا شقة، وكل أما أجي أطلبها منها تقولي ملكيش عندي شقق روحي شوفيلك تربة.

واستكملت الأم: أنا اللي بنيت البيت دا وشيلت الطوب بتاعه على كتافي علشان أساعد زوجي، وهي جاية تستولى عليه هي وزوجها.. ربيتهم بعد وفاة زوجي وفنيت عمري علشانهم، والناس كانت بتقولي اتجوزي لكن رفضت علشان أربي ولادي.