بعد الاستجابة لمطالبها.. فرحة الحاجة كريمة صاحبة الـ96 عامًا بمقابلة محافظ المنوفية: مش مصدقة نفسي | بث مباشر

سادت حالة كبيرة من الفرحة على الحاجة كريمة، صاحبة الـ 96 عاما، من قرية براشيم التابعة لمركز ومدينة أشمون في محافظة المنوفية، بعد استجابة اللواء أبراهيم أبو ليمون، محافظ المنوفية، لحالتها، حيث أمر بنقلها إلى منزل آدمي أفضل من العشّة التي كانت تعيش بها.

فرحة الحاجة كريمة بعد استجابة محافظ المنوفية لمطالبها

وعبرت الحاجة كريمة عن سعادتها بلقاء محافظ المنوفية، استجابة لها بعد نشر القاهرة 24 استغاثتها، حيث قام باستقبالها في مكتبه ووعدها بتنفيذ كافة مطالبها، وقالت: أنا النهاردة فرحانة ومبسوطة عشان قابلت المحافظ، وكلهم قابلوني كويس جدا، والمحافظ كويس جدا وأكتر واحد كويس فيهم.

وتابعت الحاجة كريمة: المحافظ استقبلني في مكتبه وأول ما دخلت وقف وسلم عليا وقالي طلباتك، قولت له على كل طلباتي، وقولت له عايزة أعمل بطاقة وعايزة أعمل معاش، قالي حاضر هعملك البطاقة وهعملك معاش كويس.

واستكملت الحاجة كريمة: كنت فرحانة عشان قابلت المحافظ، واللي حصل ده معجزة أنا مش مصدقة نفسي، والمحافظ قالي كل طلباتك هنفذها لك، وأعطاني لحمة وأكل كتير عشان أطبخ ويكفيني.

وأضافت الحاجة كريمة أن المحافظ قام بتوفير منزل لها بالإيجار بدلا من العشّة، وتابعت: عمري ما أسيب العشّة، هقعد فيها طول اليوم وأجي على النوم بالليل.