ببقى مش مطمن وأنا سايب ولادي.. استغاثة مواطن لانهيار أجزاء من منزله بالمنوفية: البيت بيقع علينا وإحنا نايمين | بث مباشر

استغاث الحاج يسري، صاحب الـ 78 عاما، من مدينة تلا بمحافظة المنوفية، وأب لطفلين، بالمسئولين بسبب انهيار أجزاء منزله، وتعرض الجزء الباقي منه للانهيار أيضا.

واستغاث الحاج يسري قائلا: أنا ببقى خارج ومش مطمن على ولادي وخايف البيت يقع عليهم.

وأشار الحاج يسري إلى أن منزله مبني بالطوب اللبن، وأن أجزاء منه تنهار باستمرار، كما أنه لا يوجد صرف صحي أيضا بالمنزل، ومبني بالخشب، كما أن أعمدة الخشب انهارت وتكسرت، مضيفا: المطرة بتنزل علينا وإحنا نايمين ومش بنقدر نسيطر عليها، وعايش فيه أنا وزوجتي وأولادي الاثنين، والمنزل مهدد أنه ينهار في أي وقت.

وتابع الحاج يسري أن أجزاء من السقف انهارت، كما انهارت إحدى الغرف أيضا وانقسم الحائط إلى نصفين بسبب أن نشع الحائط، مضيفا: طول الشتاء بنطفي النور عشان ممكن يحصل ماس كهربائي وننام في الضلمة، وبنودي الأولاد عند الجيران عشان ميحصلهمش حاجة.

واستكمل الحاج يسري أنه يعمل باليومية، وأنه ليس لديه أي مصدر دخل آخر والمعاش لا يكفي سوى الإنفاق على أسرته وأولاده، مضيفا: أنا كل اللي محتاجه إن البيت يتظبط وأقدر أقعد فيه أنا وعيالي وأسيبهم وأبقى متطمن عليهم، التراب بينزل في عين ابني وهو نايم وده عمله تلف في عينه.