غادة إبراهيم خلال الإدلاء بصوتها في الانتخابات: هنتخب الرئيس السيسي لأنه أصلح واحد للفترة الحالية | بث مباشر

حرصت الفنانة غادة إبراهيم، على التوجه لإحدى مقار اللجان الانتخابية من أجل الإدلاء بصوتها في الانتخابات الرئاسية 2024.

وقالت غادة إبراهيم: مبسوطة جدا بالعملية الانتخابية، وبمشهد تجمع الناس، ومبسوطة إني بقول رأيي بكل حرية وديموقراطية أيا كان هو إيه.

وأوضحت غادة إبراهيم: أنا هختار الرئيس عبد الفتاح السيسي، لأن في المرحلة اللي إحنا فيها دلوقتي أنا مش شايفة في حد أصلح من الرئيس السيسي، والفترة اللي جاية مفيش وقت إني أفكر في رئيس جديد، لكن في حاجات أهم في البلد.

وأضافت غادة إبراهيم: في بعض الناس بيصدروا أفكار للناس إن صوتهم مش مهم، وإنها مش هتقف عليه، بقولهم لا صوتكم مهم ولازم تشجعوا أولادكم على المشاركة.. مشهد المواطنين أمام اللجان الانتخابية مشهد حضاري، ومحدش أجبر الناس دي كلها إنها تيجي تنتخب، والمسنين اللي جايين على عكاز والمرضى دول جايين بمزاجهم وعندهم انتماء لبلدهم.

واستكملت غادة إبراهيم: بقول للرئيس السيسي كمل مشوارك يا ريس كلنا معاك، مفيش أحسن ولا أفضل منك في المرحلة اللي إحنا فيها دي، وعن قناعة.