الأربعاء 17 أبريل 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

مرتضى منصور بعد الإدلاء بصوته: لازم نأجل الرقص والزغاريد عشان اللي بيحصل في غزة | بث مباشر

أدلى مرتضى منصور، رئيس نادي الزمالك السابق، اليوم الإثنين 11 ديسمبر 2023، بصوته في انتخابات رئاسة الجمهورية 2024، داخل لجنته الانتخابية في منطقة العجوزة التابعة إلى محافظة الجيزة.

مرتضى منصور يدلي بصوته في الانتخابات الرئاسية

وقال مرتضى منصور: أنا معترض على الرقص والزغاريد اللي في اللجان.. أنت جاي تأدي دورك وواجبك كـ ناخب وواحد من الشعب المصري أيًا كان هتدي صوتك لمين.

كما أوضح منصور، أنه يطالب من جميع المواطنين المشاركة في انتخابات رئاسة الجمهورية 2024 للإدلاء بأصواتهم، قائلًا: لازم الناس كلها تنزل الانتخابات.. كل واحد يختار اللي عاوزه لكن المهم إنه ينزل.

وأضاف مرتضى منصور أنه يعترض على رقص بعض الناخبين أمام اللجان الانتخابية بسبب الظروف العصيبة التي يمر بها أهالي غزة، معلقًا: إحنا في ظرف صعب وعندنا أطفال في غزة بيموتوا كل يوم.. عشان كده لازم نأجل الرقص والزغاريد بعد ما إسرائيل تنتهي.

كما تحدث مرتضى منصور من أمام لجنته الانتخابية، عن أهالي غزة وما يمرون به منذ بداية الحرب على القطاع، حيث قال: أنا مستغرب إيه القوة اللي ربنا مديها لأهالي غزة في كل اللي بيشوفوه.

وتطرق مرتضى منصور للحديث عن نادي الزمالك، قائلًا: الوقت مش وقت الزمالك لكن دي عصابة خطفت النادي وهيتربوا قريب جدًا بس نخلص الأول من قضية فلسطين.. والجمهور بيلبس أسود في المدرجات عِند مش عشان غزة.. والدليل على كده إنهم بيرقصوا لما بيتسجل هدف.