استغاثة مشرد في السويس: زهدت الحياة بعد وفاة زوجتي.. وأخواتي طردوني علشان ياخدوا الشقة | بث مباشر
قال راعي عبد العظيم، مسن مشرد في شوارع السويس، الذي يبلغ من العمر 60 عاما، إن أصله من مدينة شبين القناطر في محافظة القليوبية، وإنه زهد الحياة بعد وفاة زوجته.
وتابع عبد العظيم أنه سبق وعمل في أكثر من مكان، وأن حالته لم تبدأ تتدهور إلا بعد وفاة زوجته، مضيفا: كانت كل حاجة في حياتي، وأهلها بيحترموني جدا لحد دلوقتي.
وأوضح أنه لم يرزق بأطفال، وأنه عاش مع زوجته لمدة 50 عاما، مشيرا إلى أنها كانت مريضة، واستأصلت الطحال وأجرت عمليتين جراحيتين.
وواصل: حسيت إن الدنيا اسودت في وشي من بعد وفاتها، ومش قادر أصدق إنها ماتت لحد دلوقتي، وبمشي أكلم نفسي وأقولها أنا زعلان منك إنك سبتيني ومشيتي.
واستكمل المواطن راعي، أن أهله سبب ترك منزله للاستيلاء على الشقة، مضيفا: أختي كانت بتقولي أخرج من الشقة روح أي حتة.. وأنا حاليا بنام في الجنينة، وهدومي اللي خرجت بها من البلد اتسرقت.
واختتم كلامه قائلا: أنا نفسي في سكن يأويني.. ومش محتاج غير لقمة العيش ومكان أعيش فيه.
