فساتين زفاف وجواكيت.. شباب يوزعون ملابس بالمجان في المرج: كله لله بدون مقابل | بث مباشر

أطلق مجموعة من الشباب مبادرة خيرية وإنسانية، من أجل توزيع 10 آلاف قطعة ملابس بالمجان على أهالي منطقة المرج التابعة إلى محافظة القاهرة.

توزيع 10 آلاف قطعة ملابس على أهالي المرج

وقال حامد حسانين، أحد القائمين على المبادرة، إنهم بدأوا العمل في تلك المبادرة الخيرية من عام واحد فقط، وخلال هذا العام عملوا أكثر من معرض لتوزيع الملابس على المحتاجين.

وأردف: الفكرة جت من إننا كنا متعودين على فعل الخير والعارضين اللي بيشاركوا معانا كبرنا الفكرة بتاعهم وعملنا معارض متنقلة بالمجان بدون أي مقابل.

وأضاف أحد القائمين على المبادرة، أن أغلب قطع الملابس التي يتم توزيعها على المحتاجين في المبادرة تكون جديدة تمامًا، وهناك بعض القطع الأخرى التي قد تكون مستعملة ولكنها بحالة جيدة.

وتابع: بنوزع في المبادرة هدوم جديدة بالمجان تمامًا بتكون بالتيكت بتاعها.. وفيه قطع تانية بتكون مستعملة بس طبعًا حالتها بتكون كويسة.. والهدوم عندنا متنوعة جدًا ما بين ملابس الأطفال وبدل وجواكيت وفساتين زفاف وفساتين سواريه وحاجات تانية كتير.

وأشار أحد القائمين على المبادرة، إلى أن هناك عدد من الشباب المتطوعين الذين شاركوا في هذا العمل الخيري بدون أي مقابل، معلقًا: مش بنحدد فئات معينة ياخدوا مننا الهدوم بالعكس كل اللي بيخش المعرض وعاوز حاجة بياخدها زي ما هو عايز.. والفكرة كلها إننا عاملين كده لله بدون أي مقابل تمامًا.