الإثنين 20 مايو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

شاب يبيع مشروبات على عجلة بكورنيش الإسكندرية: لازم كل شاب يكافح عشان ربنا يراضيه | بث مباشر

قصة كفاح بطلها شاب يدعى حسن حبيب، والذي يبيع مشروبات ساخنة على عجلة يجوب بها كورنيش محافظة الإسكندرية، حيث أنه سعى من أجل توفير مصدر رزق له ينفق منه على نفسه بالحلال.

قصة كفاح شاب في الإسكندرية

وقال الشاب حسن إنه حاصل على بكالوريوس تجارة ويعمل في بيع المشروبات الساخنة من خلال عجلة متنقلة يجوب بها كورنيش الإسكندرية.

وأردف: فكرة المشروع بتاعي مكنتش صعبة عليا بالعكس التنفيذ كان سهل جدًا.. ولكن الاستمرار في السعي وإنك تكمل في حاجة بتحبها ده بيبقى صعب أكتر.

وأضاف الشاب حسن، أنه فكر كثيرًا في بداية مشروعه كيفية تصميم العجلة التي سيعمل بها لتكون ملائمة لعمله، قائلًا: لما كنت بفكر في العجلة فكرت إزاي هقدر أنظم فيها الحاجات اللي هستخدمها في شغلي.

وأشار إلى أن أسعار المشروبات الساخنة التي يبيعها رمزية وغير مكلفة تمامًا، حيث تبدأ من 7 جنيهات حتى 25 جنيهًا فقط، مضيفًا: ساعات بضيف نكهات معينة على القهوة عشان أقدم حاجة مختلفة للزباين بتاعتي.

وأوضح الشاب حسن أنه يبدأ عمله منذ الساعة الثانية عشر صباحًا حتى الثانية عشر بعد منتصف الليل، لافتًا إلى أنه في بعض الأحيان قد تتغير مواعيد عمله بسبب تغيرات الطقس والحالة الجوية في محافظة الإسكندرية خلال فصل الشتاء، مختتمًا: لازم الشباب يفكروا ويبدعوا بدل ما يقعدوا من غير ما يعملوا حاجة.. وكل شاب لازم يعمل اللي عليه  ويكافح عشان ربنا يراضيه.