بعد تأجيل المحاكمة.. شقيقة الزوج ضحية زوجته وعشيقها بالمنوفية: مرحمتش أخويا ولا خافت على عيالها| بث مباشر
نظرت محكمة جنايات شبين الكوم في محافظة المنوفية، اليوم الاثنين، رابع جلسات محاكمة زوجة على خلفية اتهامها بالتخلص من زوجها بالتعاون مع عشيقها، حيث قضت المحكمة بتأجيل الجلسة للاطلاع والمرافعة.
محاكمة الزوجة المتهمة بإنهاء حياة زوجها في المنوفية
وسيطرت حالة كبيرة من الحزن على أسرة الزوج المجني عليه مرزوق أحمد عبد المعبود، وذلك خلال حضورهم رابع جلسات محاكمة أرملته التي أنهت حياته ووضعت له السم في العصير، ثم استعانت بعشيقها الذي كتم أنفاس الضحية بالمخدة حتى فارق الحياة.
وقالت شقيقة المجني عليه: إحنا قلبنا والع نار على أخويا اللي مات.. وأنا مش عايزة غير حقه عشان يرتاح.. واللي مضايقني إن مرات أخويا المتهمة مش باين عليها أي حاجة وجامدة وده اللي قاهرني عشان مافيش أي علامات ندم ظاهرة عليها.
وأضافت أن أرملة شقيقها أنهت حياته غدرًا بعدما اتفقت مع عشيقها من أجل إنهاء حياته حتى يخلو الجو لهما، معلقة: المتهمة مش صعبان عليها أخويا اللي موتته غدر ولا عذاب عيالها اللي متبهدلين.
وأوضحت شقيقة المجني عليه، أن أرملة شقيقها تحاول إنكار التهمة على الرغم من وجود محادثات وتسجيلات صوتية بينها وبين عشيقها تثبت اتفاقهما على التخلص من الضحية.
واختتمت قائلة: بطالب بالقصاص عشان قلوبنا تهدى على أخويا اللي مات.. أخويا اللي راح غدر ومش عاوزة حاجة غير حقه.
