الأحد 16 يونيو 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

أصغر محلل كرة قدم بالإسماعيلية: كفاية إن معانا محمد صلاح.. ومحدش عالي على منتخب مصر| بث مباشر

كشف عمر الإسماعيلاوي أصغر محلل كرة قدم بمحافظة الإسماعيلية، عن توقعاته لمباراة المنتخب المصري ونظيره غانا اليوم، ضمن منافسات الجولة الثانية للمجموعة الثانية ببطولة كأس الأمم الإفريقية 2023.

أصغر محلل كرة قدم بمحافظة الإسماعيلية

وقال عمر الإسماعيلاوي، كفاية أن النهاردة معانا محمد صلاح والماتش اللي فات كانوا بيلاعبوا فرقة زي موزمبيق مع احترامي الكامل ليها هي لسه حديثة الولادة لسه بتشوف طريقتها على الرغم أن الكرة في إفريقيا متطورة بشكل كبير جدا لكن عمرهم ما هيطوروا على منتخب مصر صاحب أكتر بطولات في إفريقيا كلها.

وأضاف الإسماعيلاوي: مفيش حد عالي على منتخب مصر حتى لو كان مدرب أجنبي.

وأكد أصغر محلل كرة قدم بمحافظة الإسماعيلية، إن مباراة منتخب مصر وموزمبيق الماضية شهدت أخطاء تكتيكية عديدة، مؤكدًا أن تبديل المدرب روي فيتوريا لأماكن اللاعبين خلال المباراة الماضية كان أحد أسباب التعادل، قائلًا: الكابتن روي فيتوريا خسر كتير جدا الماتش اللي فات بسبب أنه كان بيبدل في أماكن اللاعبين، وعمر كمال عبد الواحد مكنش دة مركزه اللي بيلعب فيه، وأنا شايف أن حجازي مكنش ينفع يبدأ الماتش اللي فات.

وأكمل عمر الإسماعيلاوي:صلاح الماتش اللي فات مكنش مركز خالص وكان كل تفكيره عايز يلعب في إنجلترا، وعايز يرجع تاني ليفربول، وكنا شايفينه مش بيلعب بأقصى حاجة.