انهيار أسرة المسنة المقتولة على يد جارها في طنطا بعد قرار عرضه على الصحة النفسية: موتها بـ13 طعنة وعايزين القصاص | بث مباشر
قررت محكمة جنايات طنطا في محافظة الغربية، عرض المتهم بإنهاء حياة جارته المسنة بمنطقة الاستاد التابعة لمركز طنطا، على مستشفى الأمراض النفسية والعصبية لبيان مدى سلامة قواه العقلية، وبيان حالته الصحية والنفسية وقت ارتكاب الجريمة، وذلك استجابة لطلب محامي المتهم.
ومن جانبها انهارت أسرة المجني عليها أمام المحكمة، وأكدت أن المتهم تعقب المجني عليها عندما كانت ذاهبة إلى عملها، وركب معها الأتوبيس وطعنها.
وأضاف نجل المجني عليها: طلب علبة حلويات وادناه من الحلويات بتاعتنا علشان يسكت.. مضيفا: استنى لحد ما الأتوبيس فضي من الناس وطعن والدتي طعنة ولما نزلت جريت في الشارع نزل جري وراها وكمل عليها 13 طعنة.. إحنا عايزين القصاص العادل.
وتابعت إحدى أقارب المجني عليها: كانت أم لينا كلنا، وكانت بتشقى وتتعب علشان تربي ولادها، والكل بيحبها ويشهد لها بحسن السمعة، وما تستاهلش اللي حصل لها.
وكانت منطقة الاستاد في مدينة طنطا بمحافظة الغربية، شهدت واقعة مصرع سيدة مسنة على يد جارها بسبب خلافات على علبة حلاوة.
