أسما شريف منير: بحاول أقرب من ربنا أكتر في رمضان.. وبدعي دايمًا إني أتحجب | بث مباشر
قالت أسما شريف منير إنها تفضل أن تقضي شهر رمضان المبارك هذا العام في العمل وأن تكون بمفردها، حيث إنها لا تفضل أن تُجري العديد من التجمعات لأنها تريد أن تتقرب أكثر من الله.
أسما شريف منير: بحاول أقرب من ربنا في رمضان
وأضافت أسما شريف منير: السنادي بقضي رمضان أغلب الوقت في شغلي ولوحدي.. يعني مش بعمل تجمعات أوي السنادي عشان بحاول أكون في حالة سكون أكتر وأقرب أكتر من ربنا.. عشان يكون عندي وقت للتراويح والصلاة وأنظم يومي.
وأوضحت أسما شريف منير أنها تحرص على مشاركة طقوسها الروحانية خلال شهر رمضان مع متابعيها عبر حساباتها على مواقع التواصل الاجتماعي، معلقة: بحب أشارك الحاجات دي رغم إن فيه ناس بيقولوا إن علاقتي بـ ربنا المفروض تكون لوحدها ودي حقيقة.. بس أنا طماعة فـ لما باجي أصلي الفجر بنزل وأقول للناس يلا أشجعهم ولو حد مكسل يقوم يصلي.. وكده هو ياخد حسنات وأنا كمان آخد حسنات.
وتابعت أسما شريف منير: أنا بدعي دايمًا إني أتحجب والفترة دي أنا بحاول أوطد علاقتي بـ ربنا.. وحاسة إني عايزة ألبس الحجاب لما أكون جاهزة للخطوة دي عشان أخد القرار ده ومرجعش فيه.. وبحاول كل فترة أظبط لبسي للخطوة دي.
