بعد إخلاء سبيله.. المذيع الفرفوش: أنا بشجع السياحة والناس اللي بتنتقدني ماعندهمش ثقافة| بث مباشر

سادت حالة كبيرة من الجدل خلال الساعات الماضية، بعد ضبط وإخلاء سبيل السيد غنيم، المعروف بـ المذيع الفرفوش، وذلك بعد اتهامه بنشر العُري والفجور.

وقال المذيع الفرفوش إنه يصوّر في أماكن عامة ولديه تصاريح قانونية خاصة بهذا الأمر، مضيفا: مش بنسق مع أي حد قبل ما أعمل معاه الإيفنت ولكن كل حاجة بتيجي ارتجالي.

وأضاف المذيع الفرفوش: الناس اللي بتهاجمني معندهاش ثقافة لإني بصوّر مع كل المشاهير وكل الفئات، وبرنامجي فكاهي وطبيعي أصوّر كل الناس ودا شغلي ومصدر دخلي.

وأضاف المذيع الفرفوش: أنا بشجع السياحة والناس اللي بتنتقدني دول اللي متابعين المحتوى بتاعي، وأنا مش تابع لجهة معينة في شغلي ولكن معايا تصريحات قانونية.. وبصوّر الفنانين واليوتيوبر والميكب أرتيست والرقاصات لإن دا شغلي.

وكانت أوضحت تحريات الأجهزة الأمنية أن المذيع الفرفوش تم ضبطه وبحوزته 2 هاتف محمول عدد 4 أجهزة لاب توب، بفحصها فنيًا تبين احتوائها على دلائل تؤكد نشاطه الإجرامي – الأدوات المستخدمة في التصوير، وبمواجهته أقر بنشاطه على النحو المشار إليه بقصد زيادة نسب المشاهدات وتحقيق أرباح مالية، وجرى ‏اتخاذ الإجراءات القانونية.