كان بيعلقني في السقف ويجلدني.. شاب يوجه رسالة لوالده: أنا عشت عذاب يابا ومش مسامحك ولا هسامحك| بث مباشر
خرج شاب في منتصف العقد الثاني من العمر، عن صمته وتحدث عن ظلم الوالد لأبنائه، وأستغاث من معاملة والده السيئة له ولشقيقه منذ طفولته، وحلقات التعذيب المتنوعة التي كان يمارسها والده في حقه بدون سبب واضح أو منطقي.
شاب يستغيث من تعذيب والده
وأنهار الشاب قائلًا: يابا أنت جبت لي عقدة نفسية.. أنا مش بكرهك أنا بحبك لأنك أبويا لكن أنت عمرك ما عملت ليا حاجة حلوة، وحتى لو في حاجة حلوة أتمسحت بسبب الحاجات الوحشة الكتير اللي عملتها لي.
وأوضح الشاب، مدى التعذيب الذي يمارسه والده في حقه منذ طفولته، موضحًا أنه كان يعامله بقسوة مفرطة هو وشقيقه منذ الصغر، قائلًا: من وأنا صغير كنت بحس أني مش أبنه وكان بيعذبني وعايز يرميني في ملجأ ويحط أخويا قدام باب جامع.
وأكد الشاب، أنه كان دائمًا يمتنع عن الحديث عن ما يفعله والده في حقه من تعدى على بالضرب داخل المنزل أو خارجه، ولكنه أصبح لا يستطيع تحمل التعذيب أكثر من ذلك، قائلًا: كان بيعذبني وبيربطني لحد ما أيدي تزرق ويروح الشغل وأمي كانت بتخاف عليا كانت بتفكني وقبل ما يرجع من الشغل كانت بتربطني تاني عشان ميعرفش، وكان بيعلقني في الجانش أكني بتعذب في أيام زمان وكان بيجلدني لحد ما جسمي كله يجيب دم.
ووجه الشاب رساله لوالده قائلًا: يابا أنا عشت عذاب ومش مسامحك ولا هسامحك، وحسبي الله ونعم الوكيل فيك أنت وكل اللي زيك، وأضاف: أنا بقول الكلام ده عشان محدش يعامل عياله كده.
