شاهدة عيان تروي تفاصيل اعتداء عامل بـ ستاربكس على صغيرة: جرّها في الشارع وضربها.. وكانت منهارة | فيديو

كشفت شاهدة عيان على حادث اعتداء عاملين بأحد فروع سلسلة المقاهي العالمية ستاربكس على طفلة لا يتجاوز عمرها 10 سنوات، كانت تجلس بجوار شقيقها خارج المقهى، تفاصيل الواقعة.

وقالت شاهدة العيان، لـ القاهرة 24، إن الطفلة كانت تجلس رفقة شقيقها على الرصيف بكل هدوء ليتسولوا، وفوجئت بأحد عمال ستاربكس يجري مسرعا نحو الفتاة، والفتاة في ذهول من ذلك فهي لم تفعل شيئا، مضيفة: جري على البنت ومسكها من كتفها وقعد يضرب فيها والبنت مش فاهمة هو بيعمل إيه.

شاهدة عيان تروي تفاصيل اعتداء عامل بـ ستاربكس على صغيرة

وأضافت شاهدة العيان: أخدها لزميل له، وشدّها من شعرها، وبعدين غابوا بيها حوالي 3 دقائق، مكنتش شايفاها ولا سمعاها، وبعدها البنت ظهرت وهي بتعيط، وبعد كدا راحت قعدت جنب أخوها، وبعد ما هديت روحتلها وسألتها هو ضربك ليه.

واستكملت: البنت انهارت من العياط لأنه كان صعبان عليها نفسها جدا، وأخوها قاعد جنبها بردو عمال بيعيط، وحاولت أهديها وأطيب خاطرها، لكنها كانت منهارة وصعبان عليها نفسها وموجوعة من كتر الضرب اللي أخدته.. ولكن أنا متكلمتش معاهم ومعرفش إذا كانت البنت عاملة حاجة ولا لا.. وبطالب باتخاذ الإجراءات القانونية حيال الواقعة.