شقيقة ميكانيكي ضحية أب ونجليه بالمنوفية: موتوه عشان 1600 جنيه ورموه في الترعة | بث مباشر

تنظر محكمة جنايات شبين الكوم، المنعقدة في مجمع محاكم وادي النطرون، اليوم الاثنين 1 أبريل 2024، أولى جلسات محاكمة أب ونجليه على خلفية اتهامهم بإنهاء حياة ميكانيكي بسبب وجود خلافات سابقة بينهم على ثمن تصليح سيارة.

محاكمة أب ونجليه بتهمة إنهاء حياة ميكانيكي بالمنوفية

وقالت شقيقة المجني عليه إن المتهمين توجهوا في يوم الواقعة إلى منزل شقيقها وتعدوا عليه بالضرب هناك وخنقوه حتى لفظ أنفاسه الأخيرة وفارق الحياة، ثم بعد ذلك انتقلوا به إلى زريبة المواشي الخاصة بهم.

وتابعت: خدوا أخويا من بيته بعد ما خنقوه على الزريبة بتاعتهم.. وهناك قطعوا راسه وحطوه في شوال عشان يخفوا جريمتهم.. وبعد كده خدوه على ترعة الإسماعيلية في محافظة القليوبية ورموه هناك.

وأوضحت شقيقة المجني عليه أن المتهمين وضعوا رأس شقيقها في شوال وباقي جسده في شوال آخر، لافتة إلى أنهم دفنوا جثمان شقيقها دون رأسه لعدم تمكنهم من العثور عليها حتى الآن، معلقة: إحنا مش لاقيين راس أخويا لحد دلوقتي ودفناه من غيرها.

واستكملت: إحنا مش عاوزين حاجة غير حق أخويا عشان نار قلوبنا تبرد عليه.. مشوفتش في جبروتهم إنهم يستدرجوا أخويا ويضربوه في بيته وبعدين يموتوه وينقله جثته لأكتر من محافظة عشان يخفوا آثار جريمتهم.

وأشارت شقيقة المجني عليه إلى أن المتهمين أنهوا حياة شقيقها بهذا الشكل المأساوي بسبب نشوب خلافات بينهم على مبلغ مالي قدره 1600 جنيهًا، مختتمة: أخويا صلح لأحد المتهمين عربيته بـ 2000 جنيه بس هو اداله 400 جنيه بس وقالوله انت ملكش حاجة عندنا.